اووووو ليه كده لاحول ولا قوة الا بالله
طب يمكن معاد الميزان غلط يعنى استني واوزن بمرة الصبح وحاول متحرمش نفسك اوى يعنى هو انت يا تاكل فول وطعمية وبتنجان
يا تاكل بيضة وقهوة مفيش وسط
ولا يهمك التزام يومين وهتلاقي فرق بإذن الله
15 Jul 23 by member: مودة ...
|
انا فعلا وزنت بس اكلت قبلها ولكن بحب اواجه نفسي اول الاسبوع بالميزان
انا بس متأثر شويا لأن بكون طول الاسبوع ملتزم ومن يوم الخميس بالليل للسبت صباحا مش عارف بيحصل اي يرجعني تاني زيادة .
هشتغل تاني علي 4 ك الاسبوع ده واشوف واوزن.
نقطة ضعفي الاجازات دي مش عارف احلها ازاي 😭
15 Jul 23 by member: Eng.'Mohamed'
|
🤕انا اكلتيحسب حالتي المزاجيه
لو شغل ومركز وكده ببقه كويس وبعرف اعمل كنترول
لو قلة نوم واجازة بلخبط شويا
بحاول اشتغل علي النقطتين دول عشان اتجاوزهم
15 Jul 23 by member: Eng.'Mohamed'
|
خلى الفري كل أسبوعين مش كل اسبوع
15 Jul 23 by member: مودة ...
|
عادي يبني دا وزن وهمي هيرجع وزنك الطبيعي بعد يومين ولا ثلاثه بيحصل كدا ليا علطول في اليوم الفري وبيرجع وزني بعد 3 ايام او يومين عااادي جدا وكمل رجيمك عادي محصلش حاجه🤍
15 Jul 23 by member: Ma'am Sofia
|
عارف فين المشكله انك ببساطه بتكون حارم نفسك من جميع النشويات عيش او رز وتيجى بكل بساطه يوم في الاسبوع تدخل لجسمك نشويات بنسبه عاليه فطبعا الجسم عايش في حرمان وهو بطبيعته بيحب النشويات جدا لانها بالنسباله الحاجه السهله فبيخزن ده لان بيحس بمجاعه لكن لو غيرت طريقتك ودخلت مثلا كمية رز بسيطه لو علي الاقل 4 معالق او 5 او نص رغيف اكيد جسمك مش هيصدمك كده ده رأيى
15 Jul 23 by member: Âmera👮🏻♀️
|
مش بمزاجي خالص يامودة اليوم الاجازة ده لو ماكلتش بيزعلو مني جامد وكاني صايم مثلا
15 Jul 23 by member: Eng.'Mohamed'
|
هحاول ياصوفيا انا اللي مضايقني اخر الاسبوع اقرب علي 75 الوزن المناسب ليا اول الاسبوع الاقيني 79
...
طبعا بكون عكيت في الاجازة بلاقيني طبيعي طول الاسبوع محافظ بقه بس نفسي ارجع اول الاسبوع في نفس وزني عاوز اخرج من مرحلة الميزان لمرحلة البناء العضلي كويس
15 Jul 23 by member: Eng.'Mohamed'
|
حاسس انك صح يا اميرة طول الاسبوع فعلا بهمش النشويات خالص
وبركز بس علي البروتين .
هحاول تاني بس انا مقرر انزل 4 دول تحت 75 بحيث اكون مثلا من 70 الي 72 عشان لما اخد اجازة اكون ضمن الطبيعي بردو عموما التزام اول الاسبوع وصل خلاص ..
ربنا يستر بقه اخر الاسبوع ده خميس وجمعه اجازة علي الله امسك نفسي شويا فالبيت 🪓
15 Jul 23 by member: Eng.'Mohamed'
|
اصلا نظام الكيتو دايت ال انت عامله دا مش صحي خالص المفروض تشتريلك توست اسمر وتاكل بيه الصبح مع جبنه او بيض او اي حاجه ومتحرمش نفسك من النشويات الجسم المفروض ياكل نشويات عشان لما تيجي يوم الميزان توزن او يوم الفري يبقا متعوظ عالموضوع دا
15 Jul 23 by member: Ma'am Sofia
|
حاول اتكلم مع اللى فى البيت والفري تبقى بس وجبة الغدا لكن باقى اليوم دايت
وطول الأسبوع بلاش تعيش جسمك فى مجاعة بيضة وقهوة
خد فطار عدل حتى لو من اى عربية فول او مطعم جنب الشغل طبق سلطة بيض مسلوق فول
حلو اوى كده
وبإذن الله ربنا ييسرلك الخير
15 Jul 23 by member: مودة ...
|
حاضر هحاول كده ولكن فعلا انا طول الاسبوع بنضبط وبكون خفيف شويا
وهعمل بنصيحتك لعل اقدر اوصل لنتيجة اسرع
15 Jul 23 by member: Eng.'Mohamed'
|